Sustainability Detail
वातावरणीय उत्तरदायित्व
- हामी कम ऊर्जा खपत गर्ने प्रविधिहरू प्रयोग गर्दै, फोहर न्यूनीकरण, र हाम्रा सबै सञ्चालनहरूमा जिम्मेवार स्रोत व्यवस्थापन अपनाएर हाम्रो वातावरणमा पर्न सक्ने नकारात्मक प्रभावहरूलाई घटाउन प्रयास गर्दछौं ।
- वातावरणीय दिगोपनको हाम्रो प्रतिबद्धतालाई ध्यानमा राख्दै, हामी वातावरण संरक्षणमा सहयोग पुर्याउने परियोजनाहरूलाई वित्तीय सहायता दिन्छौं । नवीकरणीय ऊर्जा, ऊर्जा-प्रभावकारी प्रविधि, वातावरणमैत्री पूर्वाधार, वातावरणीय संरक्षण, प्रदूषण नियन्त्रण, र चक्रीय अर्थतन्त्र जस्ता क्षेत्रमा लगानी गरेर सकारात्मक प्रभाव सिर्जना गर्ने हाम्रो उद्देश्य हो ।
- जलवायु परिवर्तनका प्रभावलाई कम गर्दै र अनुकूलनमार्फत जलवायु सहनशीलता बढाउन व्यवसाय र समुदायहरूसँग सहकार्य गर्न हामी प्रतिबद्ध छौं । साथै, न्यून-कार्बन प्रविधिको प्रोत्साहन र ग्रीनहाउस ग्यास उत्सर्जनको न्यूनीकरण हाम्रो प्राथमिकतामा पर्दछ ।
सामाजिक प्रभाव
- हामीले हाम्रो बैंकिङ प्रक्रियामा सामाजिक-आर्थिक पक्षहरूलाई समाहित गर्दै वित्तीय समावेशीकरण र सामाजिक कल्याणलाई प्राथमिकतामा राखेका छौँ । हामी पिछडिएका समुदायहरू, कृषि क्षेत्र, र महिलाहरूका लागि विशेष प्रोडक्ट र योजनाहरू उपलब्ध गराउँदै उहाँहरूलाई आर्थिक रूपमा सशक्त बनाउन सहयोग पुर्याउने कोशिस गर्दछौँ ।
- हामी हाम्रो सेवा क्षेत्रका समुदायहरूमा सकारात्मक प्रभाव पार्न प्रतिबद्ध छौँ । यसका लागि हामी स्थानीय पहलहरूलाई समर्थन गर्ने, वित्तीय साक्षरतालाई प्रोत्साहन गर्ने, र दिगो विकास तथा सामाजिक कल्याण सुधार गर्न संस्थाहरूसँग सहकार्य गर्ने काम गरिरहेका छौँ ।
सुशासन उत्कृष्टता
- हामी हाम्रो काममा सुशासन, नैतिकता, र पारदर्शिताको उच्चतम मापदण्ड पालना गर्दछौं ।
- हामी राष्ट्रिय नीति तथा कानुन पालना गर्दै अन्तर्राष्ट्रिय उत्कृष्ट अभ्यासहरूलाई पनि कार्यान्वयनमा ल्याउँछौँ ।
- जोखिम व्यवस्थापनका लागि हामी सावधानीपूर्वक मूल्याङ्कन, सक्रिय उपायहरू, र निरन्तर सुधारको प्रक्रियालाई जोड दिन्छौँ ।
- हामी कर्मचारीहरूलाई आफ्ना समुदायमा परिवर्तन ल्याउन सशक्त बनाउँदै सामूहिक रूपमा उज्ज्वल भविष्य निर्माण गर्न प्रयासरत छौँ ।